 Liber
i Gjashtët
Të Dhânunat.
Nye i 82.
Uhaja.
§. 499. Kanûja e maleve nuk
njef uhâ me shtojca fitimesh ( Fajde ).
§. 500. Kanûja njef uhá
të fjeshtë: sá të dhaçë ké
me më dhânë.
§. 501. Per me shndoshë pûnen
e uhás e per me largue çdo dyshim pabesije per uhá
të dhânun, mund të mirret pengu.
§. 502. Pengu perbâhet prej
njíj sendi, si két çmim a sá uhaja e
dhânun, a edhè tepr.
§. 503. Pengu, si mirret per uhá
të dhânun, mund të xêhet si << Peng
hupës >>
§. 504. Pengu i hupun xêhet
atëherë, kúr aj, si mérr uhá, i lidhet
uhasit a me prû uhán në ditë të caktueme,
a me lânë pengun, si të hupë.
§. 505. Uhaja e prûme në
ditë të caktueme e shperblen pengun.
§. 506. Po s' u prû uhaja
në ditë të caktueme e nuk erdh mârrsi me u
pá me uhasin, ky ká tager me shitë pengun e me
xjerrë uhán e vet.
§. 507. Dita e caktueme vijon mje
në prendim të diellit e uhasi do t' a presë detyrsin
mje në prendim të diellit; po s' erdhi pengu i shitet.
§. 508. Shka t'i dalë teper
uhás së dhânsit prej pengut të shitun, do
t' i a dorzojë të zot't të pengut.
Oroe
Mbas parimeve të permenduna e mbas
kallximit të burrave të lashët, Shqyptarët e
hershem të Malevet t' ona nuk kan pasë dijtë as me
dhânë as me mârrë uhát me shtojca fitimesh;
ky ves i mbrapshtë fort vonë do të két hî.
Nye i 83.
Vadja.
§. 509. Vadja e uhave âsht
nji kohë e caktueme, në të cillen detyrsi do t' i
a çojë të zot't uhán e mârrun.
§. 510. Uhaja mund t' epet me besë
e burrní, me dorzaní a edhè vetem tuj e shndrrue
me peng. Mbí pêgje shif: Librin VI, Nye LXXXII, <<
Uhaja >>, f. 56.
Krye i Gjashtëmbdhetët
E Folmja, e Falmja
Nye i 84.
E Folmja.
"E folmja âsht në fund të kuletës ".
§. 511. E folmja âsht prêmtimi
i njíj sendi, si i bân kush kuej per nji múnd,
si do të hjekë.
§. 512. E folmja prêmtohet:
per nji pleqní, per nji udhtim a shtegtim, per pajtim të
gjakut, per shkuesí a per mjek.
§. 513. E folmja perbâhet prej
njíj çmimi, si mund të mbrrîjë mje
në 500 grosh.
§. 514. E folmja prêmtohet
edhè pá e permendë caktimin e çmimin me
të holla, b. fj.: Ké nji parë openga të holla,
per në m'a marosh ket a at pûnë.
- . Opangat e holla kan çmimin 10, 20 mje 25 grosh.
- . Opangat e trasha prej 50, 100 mje në 500 grosh.
- . Oka e kafes prej 50 mje në 500 grosh.
- . Oka e kafes kokerr xêhet e caktume per 9 grosh.
§. 515. Po s' e ndreqi pûnen
plaku, udhtari, shkuesi etj, të folmet nuk epen e as kanûja
s' i a gjegjë vajin per pûnë të pakryeme.
§. 516. Si t' a ndreqë pûnen,
çka t' i két folë kush kuej, do t'i apë;
sepsè << E folmja âsht në fund të kuletës
>>.
Nye i 85.
E Falmja.
" Fala, s' ta fala. Kanûja s'e kapë ".
§. 517. Po i the kuej, se don me
i a falë ket a at send, e mbrapa e hangre fjalen t'ende, me
<< fjala, s't'a fala >>, kanûja nuk të nget
me peng e me plak.
§. 518. Jé i lír me
mbajtë burrnín t' ande; jé i lír me u
shburrnue.
§. 519. Kanûja thotë:
Ftyren e vrugnume në daç laje, në daç zezoje
edhè mà.
|
